ថ្ងៃសៅរ៍ ទី០៤ ខែកុម្ភៈ ឆ្នាំ២០២៣៖ ដោយមានការណែនាំពីថ្នាក់ដឹកនាំនៃសមាគមឧកញ៉ាកម្ពុជា មន្ត្រីនៃលេខាធិការដ្ឋានសមាគម បាននាំយកកាបូបស្ពាយចំនួន២០០ និងសម្ភារៈសិក្សាមួយចំនួនចែកជូនកូនសិស្សក្រីក្រនៅសាលាបឋមសិក្សា ហ៊ុន សែន ស្រះឈូក ក្នុងភូមិស្រះឈូក ឃុំត្រពាំងព្រៃ ស្រុកអន្លង់វែង ខេត្តឧត្តរមានជ័យ។
ការចែកនេះនឹងធ្វើជាបន្តបន្ទាប់នៅតាមសាលារៀនផ្សេងៗទៀតដែលមានកូនសិស្សក្រីក្រជួបការលំបាក។
ថ្នាក់ដឹកនាំសមាគមបានផ្តាំផ្ញើការជូនពរអោយក្មួយៗបន្តការសិក្សាបានយូរអង្វែងដើម្បីអនាគតខ្លួនឯងផង និងសង្គមជាតិផង។ បន្ថែមលើនេះផងដែរ ថ្នាក់ដឹកនាំសមាគមក៏បានផ្តាំផ្ញើនូវការកោតសរសើរខ្ពស់និងដោយស្មោះអស់ពីដួងចិត្តចំពោះទឹកចិត្តរបស់លោកគ្រូ អ្នកគ្រូដែលបានតស៊ូខិតខំប្រឹងប្រែងក្នុងការបង្រៀនដល់សិស្សគ្រប់គ្នា។
